تماکو څکول بېشکه د سږو د سرطان، د زړه د ناروغیو او د ساه اخیستو د ستونزو لوی سوب دی، خو ډېر خلک دا ګومان کوي چې ویپ (اي- سګریټ) یې محفوظ بدل دی. تازه ساینسي څېړنو دا تصور ناسم ښودلې.
د نړۍ په کچه سګریټ روغتیا ته ډېر زیانمن ګڼل کېږي، خو د ۲۰۲۶م کال نوو څېړنو څرګنده کړې چې ویپ هم هغومره بې ضرره نه دی لکه خلک یې چې ګڼي.
د استرالیا د یونیورسټي آف نیو ساوت ویلز او د امریکا د یونیورسټي آف سدرن کیلیفورنیا ساینسپوهانو ویلي چې د ویپ کارول د خولې او سږو ډي این ای ته زیان رسوي.
ډي اېن اې د انسان د بدن بنیادي جنیټیک کوډ دی، چې د خولیاتو وده او د بدن ګڼ مهم فعالیتونه کنټرولوي. که پکې زیان رامنځته شي، نو د سرطان او نورو خطرناکو ناروغیو امکان زیاتېږي.
د څېړنې له مخې، په ویپ کې کارېدونکي خوږ او د مېوو خوند لرونکي فلیورونه هم ډي اېن اې ته نقصان رسولو کې رول لوبوي. همدارنګه، د پوډ سیسټم ویپ کاروونکو کې دا زیانونه نسبتاً زیات لیدل شوي دي.
څېړنې دا هم ښودلې چې د ویپ کاروونکو په خولیاتو کې د ډي اېن اې زیان نزدې هغه هومره کسان وو، کومو ته چې روایتي سګریټو زیان رسولی وو. دا په ډاګه کوي چې که څه هم د ویپ او سګریټ کارولو طریقه بدله ده، خو دواړه د روغتیا لپاره جدي خطرې لري.
روغتیایي ماهران خلکو ته سپارښتنه کوي چې ویپ دې د سګریټ محفوظ بدل نه ګڼي، ځکه هر ځل یې کارول د بدن مهمو خولاتو ته زیان رسولی شي. د دوی په وینا، غوره لار دا ده چې نه یوازې له دې عادت څخه ځان وساتل شي، بلکې نور خلک هم د دې د احتمالي زیانونو په اړه خبر کړل شي.
