سوات: د ريسکيو ۱۱۲۲ سوات وياند نياز علي خان د جولايي په اتلسمه خبر پانړه کي ويلي، د کالام د مټلتان په سيمه کې د سختو موسمي حالاتو له امله په يوې پېښې کې اووه کسان اغېزمن شوي دي.
د لومړنيو معلوماتو له مخې، درې ټپيان د کالام روغتون ته له لومړنۍ درملنې وروسته د نورو طبي اسانتياوو لپاره د سيدو شريف سنټرل روغتون ته لېږدول شوي دي.
ريسكيو ۱۱۲۲ وايي، د لومړنيو راپورونو له مخې پېښه د غرختنې پر مهال د حفاظتي وسايلو د خرابۍ يا زيانمنېدو له امله رامنځته شوې، خو تر اوسه يې رسمي پخلی نه دی شوی.
د پېښې پر مهال درې نور کسان لږ ژوبل شوي چې روغ رمټ دي، خو يو کس سيد علي شاه، د خوازه خېلې اوسېدونکی، لا هم ورک دی. د هغه ملګرو اندېښنه ښودلې چې ښايي نوموړی مړ شوی وي، خو تر اوسه يې مړی نه دی موندل شوی.
د ريسکيو ۱۱۲۲ سوات وياند زياته کړه، د پېښې د لاملونو او څرنګوالي په اړه چې کله نورې کره او تصديق شوې معلومات ترلاسه شي، رسنيو او ولس ته به پر وخت وړاندې کړل شي.
