د رېسکيو ۱۱۲۲ وياند بلال فيضي په وينا، د پېښور د ښکته تهکال په سيمه کې تېره شپه په يو کور کې اور ولګېد، چې له امله يې يوه ښځه، د هغې خاوند او څلور ماشومان وژل شوي دي۔
د وژل شويو ماشومانو عمرونه له درېيو تر يوولسو کلونو پورې دي، چې پکې دوه نجونې او دوه هلکان شامل دي۔
د بلال فيضي په وينا، سوځېدلی کور د سراج په نوم د يوه ځايي اوسېدونکي و۔
هغه زياته کړه چې د وژل شويو ټولو کسانو مړي په يوه کوټه کې موندل شوي دي۔
د اورلګېدنې لامل تر اوسه نه دی معلوم او په دې اړه پلټنې روانې دي۔
