د پاکستان وزيراعظم شهباز شریف او د ايران ولسمشر مسعود پزشکيان ويلي په اسلام اباد کې په يو خبرې غونډه کې وييلي چې د ايران بالسټک توغنديز پروګرام د اسلام اباد د تفاهم ليک يا ميمورنډم اف انډرسټينډنګ برخه نه ده او په دې تړون کې پرې هېڅ بحث نه دی شوی.
شهباز شریف د ايراني ولسمشر مسعود پزشکيان سره په يو ځايي خبرې غونډې پر مهال وويل چې په ياده تفاهم نامه کې د بالسټک توغنديو هېڅ يادونه نشته.
هغه وويل: “دا موضوع نه د خبرو په مېز وه، نه د اجنډا برخه وه او نه هم ايراني لوري د دې په اړه د خبرو غوښتنه کړې وه. دا يوازې يو تاثر نه، بلکې حقيقت دی.”
وزيراعظم زياته کړه چې ځينې ډلي هڅه کوي د دغه تړون په اړه غلط فهمۍ پيدا کړي او د دواړو هېوادونو ترمنځ شوې هوکړه زيانمنه کړي.
شهباز شریف وويل: “ځينې کسان نه غواړي چې د ايران ولس له جګړې وروسته پرمختګ وکړي او خپل هدف ته ورسېږي.”
مسعود پزشکيان هم د شهباز شریف څرګندونې تاييد کړې او ويې ويل چې د ايران د توغنديو پروګرام نه د تفاهم نامې برخه و
هغه زياته کړه چې که ايران د توغنديو وړتيا نه لرله، نو د ده په وينا هېواد به يې د امريکا او اسرائيلو له لوري له سختو ګواښونو سره مخ شوی و.
د ايران ولسمشر ټينګار وکړ چې تهران به هېڅکله د خپل توغنديز پروګرام او دفاعي وړتياوو په اړه جوړجاړی ونه کړي او دا موضوع به د بل هر هېواد سره د کوم تړون برخه نه وي.
