د فوټبال د ۲۰۲۶ نړيوال جام فاينل به نن، د جولای په ۱۹مه، د امريکا د نيوجرسي ايالت په نيويارک ـ نيوجرسي لوبغالي کې د ارجنټاين او هسپانيې ترمنځ ترسره کېږي.
د فوټبال نړيوال فدراسيون (فيفا) وايي، لوبه به د نيويارک پر وخت د يکشنبې په ورځ ماسپښين ۳ بجې پيلېږي. د وخت د توپير له مخې به دا سيالي په افغانستان کښې د يکشنبې د شپې ۱۱:۳۰ بجې او په پاکستان کښې د يکشنبې او ګل ترمنځ شپه، يعنې د جولای ۲۰مې په پيل کې د شپې ۱۲ بجې شروع کېږي.
ارجنټاين به د ليونل مېسي په مشرۍ هڅه کوي چې پرله پسې دويم نړيوال جام خپل کړي، په داسې حال کې چې هسپانيه غواړي د خپل تاريخ دويمه نړيواله اتلولي وګټي.
تمه کېږي چې دا فاينل به د نړۍ د ميليونونو فوټبال مينه والو پام ځان ته راواړوي او د دواړو پياوړو لوبډلو ترمنځ به يوه سخته او په زړه پورې سيالي وي.
