د ورځپاڼو او اژانسونو د خبرونو تر مخه ، د فرانس د صدر (ولسمشر) ایمانویل ميکرون د سوریې سرښار دمشق ته د سفر پر مهال په دوو بمي چاودنو کې لږ تر لږه ۱۸ کسان ټپیان شوي دي ۔
د یوې بهرنۍ خبري ادارې په وینا، په ټپیانو کې څلور پولیس افسران هم شامل دي ۔
د سوریې د دولتي رسنیو په وینا، چاودنې هغه هوټل ته نږدې وشوې چرته چې صدر ميکرون د مدني ټولنې له استازو سره غونډه کوله ۔
د راپور تر مخۀ، لومړۍ چاودنه هغه وخت وشوه کله چې د ميکرون کاروان له هوټل څخه د صدارتي محل (د ولسمشرۍ ماڼۍ) په لور روان و ۔
دويمه چاودنه د هغه امبولانس سره نږدې وشوه چې د پیښې په ځای کې ولاړ و او شاوخوا ترې دوه درځنه خلک راټول شوي وو ۔ له چاودنو وروسته د نږدې دوکانونو څخه اورونه او تور پورته شول ۔
د سوریې امنیتي ځواکونو د پیښې د مسؤلینو د موندلو لپاره د پلټنې عملیات پیل کړي او سیمه یې کلابنده کړې او امنیت یې ټینګ کړی دی ۔
بلخوا، د فرانس دصدر د دفتر په وینا، د چاودنو غږ د ميکرون کاروان ته ونه رسېد او د هغه سره مل خبریالانو هیڅ ډول بیړني حالت نه دی لیدلی ۔ په بيان کې ويل شوي دي چې ميکرون پریکړه کړې چې د ورځې په اوږدو کې خپلو پلان شویو مصروفیتونو ته دوام ورکړي ۔
ایمانویل ميکرون هم په خپل ایکس اکاونټ (پخواني ټويټر) کې په خپره شوې اعلامیه کې ویلي چې "زما د سوریې دوره دوام لري" ۔
زمونږ افيشل خپرونې په اي ميل وګورئ
