د بلوچستان ګڼې سیمې د پیټرولو د کمښت سره مخ دي چې د وجې یې نه یواځي خلق له ګڼو ستونزو سره مخ کړې دی بلکه کاروبارونه هم ورسره اغېزمن شوي دي.
په بلوچستان کې د سرکاري پیټرول پمپونو د کمښت له کبله خلق ایراني پیټرول کاروي، چې په عامو ورځو کې یې تر پاکستاني ( پاکستان پیټرولم لمیټیډ) پیټرولو بیي هم ټیټي وي.
د تېر لوی اختره څو ورځې وړاندې په کوټه کې د ایرانيو پیټرولو د یو ليټر بیه شاوخوا ۲۸۰ روپۍ وه چې په اوسني وخت کې یې د یو لیټر پیټرو بیه د بلوچستان ځینو سیمو کې تر ۶۰۰ سوه روپۍ پورې رسېدلې.
د سرکاري پمپونو د کمښت او د بییو د لوړوالي له کبله په بلوچستان کې په شخصي پمپونو کې ایراني تېل پلورل کیږي.
د بلوچستان په ډېرې سیمو کې پر سړکونو لیدل کیږي چې په موټرو او موټر سایکلو کې پېټرول تمام شوي او چلونکي یې پر پمپونو د پېټرول نه شتون له ستونځو سره مخ وي.
په ډېری سیمو کې د سوارلي وړونکو موټرو کرایې په دوه چنده لوړي شوي، پر سړکونو، بازارنو کې هم د خلقو ګڼه ګوڼه کمه شوې.
په ځینو سیمو کې تعلیمو ادارو کې د ښوونکو او زده کوونکو شمېر هم کم شوی.
د پښین یوه اوسېدونکې جلات خان مشال ډیجیټل ته وویل چې د ایراني پیټرولو یوه لېټر بیه تر ۶۰۰ سوه پورې رسېدلې او پاکستاني پيټرول په هغه پمپونو کې نشته کوم ته چې به پاکستاني پيټرول راتلل.
د پښین یارو سیمه باندې یوه ایراني پیټرول خرڅونکی جلیل وایي چې دوی ته به ایراني تېل نورو کاروباریانو راوړل او دوی دلته تر ۴ روپیو په ګټه خرڅول او وس چی ایراني پيټرول نه راځي نو دوی شخصي پمپ تړلی.
د پښین یوه بل د پیټرولو شخصي پمپ والا ظاهر مشال ډیجیټل ته وویل چې د تېلو د کمښت یو لاعمل دا هم دی چې د اختر لپاره د شخصي پمپونو والا د ځان سره ډېره تېل خوندي کول چې بیا به د رخصتۍ ورځو کې د تهران (ایراني ښار) سره پوله تړلې وه نو زېرمه کړي تېل به دوی تر هغې خرڅول چې تر څو به رخصتۍ ختمېدلې او د ایران سره به پوله( بارډر) بیرته پرانستل کېده.
جلات وایي چې په پښین سیمه کې د پيټرولو کمښت یوه وجه دا هم ده چې د لوی اختر څو ورځې وړاندې د ضلعي انتظامې لخوا د دوی پر شخصي پمپونو چاپې ووهل شوې چې ستاسو د پيټرولو بیي لوړي او ګېج یې هم کم دی چې له کبله یې شخصي پمپونو والا کاربندیز وکړ او ورپسې د اختر رخصتۍ راغلې چې پمپونو والا د ځان سره د تېلو زېرمه خوندي نه کړه.
د کوټې د پاکستان اسټیټ ایل (د تیلو دولتي شبکی) پمپونو مالکان وایي چې د کوټې په ګډون د بلوچستان په ډېرو برخو کې ایراني تېل په زیات شمېر کې کارېدل چې کله ایراني پیټرول له لوی اختره راهسې تړل شوي نو په ( پاکستان اسټیټ ایل) پمپونو باندې ګڼه ګوڼه زیاته شوې چې له کبله یې په پمپونو کې تېل تمام شوي، د هغوی په خبره چې په کوټه کي به دوی د ورځې پر سر ۲۰۰۰ لیټره تېل خرڅول چې ایراني پیټرولو تړلو ورسته وس د ورځې پر سر تر ۳۰۰۰۰ لیټره خرڅوي.، دویې وایي چې ایراني پیټرول تړل شوي نو خلقو د ( پاکستان اسټیټ ایل) پمپونو مخه کړې چې په پمپونو کې زېرمه تمامه شوې.
د تېلو د کمښت له کبله د بلوچستان پښتنې سیمې زیاتې اغزمنې شوي ځکه دي چې دغه تېل به د ایران پولي( بارډر) څخه په بلوڅې سیمو کې راتلل کې له مستونګ ورسته به کوټې او د بلوچستان پښتون مېشتو سیمو ته په قاچابري رسېدل.
د جولایي پر ۲ مه د کوټې ضلعي انتظامې مشر ( ډپټي کمشنر)مهرالله بادیني د تېلو د کمپنیو او د هغه پر رسد باندې وېلي چې رجسټرډ شوی پمپ تړل کېدل او یا په ګرانه بیه پیټرول خرڅول به ونه زغمي او هر رجسټرډ شوي پمپ ته یې د تر ۵۰۰۰ لیټرو تېل رسولو هدایت جاري کړي.
د کوټې ضلعي انتظامې مشر د هغه پیټرول پمپونو پر ضد هم عملیات کړی چې تېل یې په لوړه بیه خرڅول.
