د امریکا د مرکزي قوماندانۍ (سېنټکام) ځواکونو د جولایي په ۲۳مه، د ختیځ امریکا په وخت د شپې ۹ بجې، پر ایران د پرله پسې ۱۳مې شپې هوايي بریدونه ترسره کړل.
سېنټکام ویلي، په دغو بریدونو کې د ایران پوځي قومانده مرکزونه، د ډرونونو اډې، د مخابراتو شبکې، د ساحلي څارنې مرکزونه او سمندري پوځ په نښه شوی دی. څو هغه ګواښ نور هم کم شي چې ایران یې د هرمز تنګي له لارې پر تېرېدونکو ملکي سمندري بېړیو او سوداګریزو کښتیو متوجه کوي.
د امریکا د مرکزي قوماندانۍ په وینا، د ایران د اسلامي انقلاب ساتونکو ځواکونو نړیواله د وروستیو بریدونو سره سره، د هرمز سمندري لار د تګ راتګ لپاره پرانیستې ده او سوداګریزې بېړۍ د امریکا د پوځ په ملاتړ په ازاده توګه له دغه تنګي تېرېږي.
سېنټکام دا هم ویلي چې دا مهال له ۵۰ زرو څخه زیات امریکايي پوځیان په ټول منځني ختیځ کې په بېلابېلو پوځي ماموریتونو بوخت دي.
بل پلو ته د ایران د وسله والو ځواکونو د عامه اړیکو څانګې په وینا، ایران د ډرون بریدونو له لارې په اردن او بحرین کې د امریکا پوځي اډې په نښه کړې دي.
په بیان کې ویل شوي چې د ایران پوځ د «صاعقه عملیاتو» د ۲۴م پړاو په ترڅ کې نن په څلورویشتمه جولایي سهار وختي د بحرین د شیخ عیسی هوايي اډې کې د امریکا پوځي تاسیسات په نښه کړل. د بیان له مخې، په دغو هدفونو کې د تیلو زېرمې، ګودامونه او د امریکايي پوځیانو د استوګنې ځایونه شامل وو. بیان زیاتوي چې د همدې عملیاتو پر مهال د اردن پر الازرق هوايي اډه هم د ډرون بریدونه ترسره شول، چې پکې د الوتکو هنګرونه او د امریکايي پوځیانو د استوګنې ودانۍ په نښه شوې دي
