دامريکې پوځ پرله پسې په يوولسمه شپه هم په ايران کې په يو شمېر پوځي هدفونو حملې کړي دي، بلخوا د ايران په مختلفو ښارونو کې د زورورو چاودنو د راپورونو نه پس د هوايي دفاع نظام مکمل فعال کړل شوى دى.
بلخوا د ايران د سپاه پاسداران انقلاب دعوى ده چې د کوېت د علي السالم هوايي اډې خواوشا لګېدلي د وختي خبرداري (ارلي وارننګ) رېډار او ټېکټيکل رېډار کمپلېکس يې تباه کړي دي.
د امريکې سنټرل کمانډ (سينټکام) په اېکس (پخواني ټوېټر)په ٢٢مه جولايي جاري کړي بيان کې ويلي دي چې دا عمليات د ايران هغو پوځي صلاحيتونه محدودولو لپاره روان دي کوم چې دابنايى هرمز( هرمز تنګي) کې دکښتيو چلولو نړيوال عمل ته خطر جوړېدلاى شي.
بل اړخ ته، د ايراني رسنيو ترمخه د تبريز لوېديځو سيمو کې د څو زورورو چاودنو غږونه اورېدلي شوي دي، او د جنوبي ايران د سيريک سيمې شااوخوا نه هم د چاودنو راپورونه راغلي دي.
ايراني ميډيا وايي چې د ممکنه خطرې په نظر کې نيولو سره په تهران کې د هوايي دفاع نظام په مکمله توګه فعال کړل شوی دی، خو تر اوسه د دغو حملو له کبله د اوښتو زيانونو يا مرګژوبلې په اړه کوم رسمي تفصيلات نه دي جاري شوي.
د بيان ترمخه ، تېرو دريوو مياشتو کې ايران د سيمه ييز او نړيوال تجارت لپاره اهمې نړيوالې داوبو لارې نه تېرېدونکو د دېرشو نه زياتو سمندري جهازونو باندې حملې کړي دي.
سينټکام دعوه کړې ده چې دغو “بېجوازه حملو” د سلګونو بېګناه کبانو نيوونکو ژوند د خطرې سره مخ کړی او په نړيوالو اوبو کې يې د کشتيو چلولو ازادي متاثره کړې ده.
بيان کې دا هم ويل شوي دي چې د تاوتريخوالي باوجود ابنايى هرمز د تجارتي جهازونو د تګ راتګ لپاره اوس هم پرانستی دی.
همداشان، د مۍ مياشتې د شروع نهه تر اوسه امريکايي ځواکونو د شاوخوا ۹۰۰ تجارتي جهازونو او ۴۵۰ ميليونه بېرله خام تېلو په محفوظه توګه د ليږلو راليږلو په يقيني کولو کې مرسته کړې ده.
بلخوا د ايران د سپاه پاسداران انقلاب دعوى ده چې د کوېت د علي السالم هوايي اډې خواوشا لګېدلي د وختي خبرداري (ارلي وارننګ) رېډار او ټېکټيکل رېډار کمپلېکس يې تباه کړي دي.
د دې نه علاوه، په بوبيان جزيره موجود يو بل رېډار نظام هم په نښه کړل شوی دی.
د سپاه پاسداران انقلاب په وينا، د دوي په دې عملياتو کې دغه دواړه رېډار نظامونه په مکمله توګه تباه او ناکاره کړل شوي دي.
بيان کې ويل شوي دي: “جارحيت کوونکي ته به د سزا ورکولو عمليات روان وي.”
