یو پاکستاني، چې نوم يې قائداعظم دی، د قومي شناختي کارډ بندیدو خلاف یې پيښور هايکورټ کې مقدمه جمع کړې ده.
دغه مقدمه د جسټس وقار احمد او جسټس عنايت الله خان په مشرۍ د عدالت مخې ته واورول شوه. د درخواست کوونکي وکيل عدالت ته وويل، چې قائداعظم يو کاروباري سړی دی او په پاکستان او دوبۍ کې کاروبار کوي. د شناختي کارډ بندېدو له امله يې د کاروبار او ورځني ژوند چارې سختې اغېزمنې شوې دي.
د شناختي کارډ جاري کولو محکمې نادرا ( نیشنل ډیټا بیس اینډ رجسټریشن اتهارټي) وکيل عدالت ته وويل، چې د نوموړي شناختي کارډ ځکه بند شوی، چې د شکمن ریکارډ په توګه په نخښه شوی وو، خو د اورېدنې په وخت يې د دې فیصلې پوره تفصیل عدالت ته نه دی څرګند کړی.
د دواړو خواوو دريځ د اورېدو وروسته، پيښور هايکورټ قائداعظم ته امر وکړو چې د نادرا د تصديق بورډ مخې ته حاضر شي.
عدالت دا هم حکم ورکړو، چې تر هغې دې نوموړی نه شړل کېږي، تر څو چې د تصديق عمل مکمل شوی نه وي. د عدالت په وينا، قاید اعظم ته دې فرصت ورکړل شي چې خپل ریکارډ تصديق او شناختي اسناد بېرته فعاله کړي.
د يادونې وړ ده، چې “قائداعظم” د پاکستان د باني محمد علي جناح لقب دی، او د همدې غيرمعمولي نوم له امله دا مقدمه د خلکو د ځانګړې پاملرنې وړ ګرځېدلې ده.
نادرا ترهګرۍ کې د ککړو تنانو، په ناقانونه طریقه د نورو هیوادونو اوسیدونکو د شناختي کارډ ترلاسه کونکو، بنکونو یا نورو مالیاتي او حکومتي ادارو سره مالي لانجو کې ښکیلو تنانو شناختي کاروډونه بندوي.
نادرا چې کله د يو تن شناختي کارډ بند کړي، نو د بنکونو، سفر او نورو مهمو دولتي او شخصي خدمتونو ترلاسه کولو کې ورته ګڼې ستونزې پيدا کېږي.
